भारतात प्राचीन काळापासून गुरुकुल ही गुरु-शिष्यामधील नाते दृढ करणारी परंपरा चालत आली आहे. ज्यामध्ये सर्व थरातील विद्यार्थी एकत्र येऊन विद्या संपादन करतात तर शिक्षक केंद्रस्थानी राहून विद्यार्थ्यांना योग्य मार्गदर्शन करत त्यांचा उत्कर्ष हेच त्याचे परमध्येय ठेवतो.
मुळात गुरुकुल म्हटल्यानंतर आपल्यासमोर दृश्य उभे राहते ते म्हणजे द्रोणाचार्य किंवा संदिपानी यांचे आश्रम. पण हे सर्व पुराणामध्ये होते , आता आधुनिक युगातील गुरुकुल हे सर्व आधुनिक व डिजिटल सोयीनी युक्त असेल. परंतु त्याचा पाया हा प्राचीन गुरुकुल संस्थेचा असेल.
देशाच्या जडणघडणीमध्ये जसे अर्थ व्यवस्था, राजकीय व्यवस्था हे महत्वाचे स्तंभ मानले जातात. तसेच शिक्षण व्यवस्था हे सुद्धा एक मूलभूत अंग आहे आणि म्हणूनच टी जी गुरुकुलची संकल्पना उदयास आली.